VisitSingapore【探索新加坡 | 陽光與海灘】
【#探索新加坡 | 陽光與海灘】呢幾個海灘最啱放假嚟放吓電，欣賞海邊靚景之餘，仲可以吸收維多命D☀
📍 聖淘沙丹戎海灘（Tanjong Beach @ Sentosa）
丹戎海灘位於聖淘沙南海岸較為偏遠嘅位置，不失為新加坡最休閒嘅海灘景點。呢度出名嘅仲有同名俱樂部Tanjong Beach Club，裏面設有無邊際泳池同埋舒適嘅日曬床，俾你曬住太陽度過寧靜下午～
📍 榜鵝海灘（Punggol Beach）
榜鵝海灘位於新加坡北部，可以話係新加坡最隱世嘅海灘景點。灘上嘅沙幼細柔軟，中間仲有一堆巨石，喺黃昏時分嚟嘅話景觀一絕，可以讓你暫時忘記煩囂，享受片刻靜謐🌄
📍 聖淘沙西樂索海灘（Siloso Beach @ Sentosa）
你除咗可以喺西樂索海灘體驗多種水上運動，仲可以玩長達45米嘅飛索，喺高空俯瞰整個海灘嘅美景。日落之後，不妨喺海灘隔離嘅酒吧，飲返杯輕鬆吓～
📍 聖淘沙巴拉望海灘（Palawan Beach @ Sentosa）
巴拉望海灘係最受親子歡迎嘅景點，由遊樂場、公園到海灘俱樂部應有盡有，滿足唔同人嘅興趣。另外，呢度係亞洲大陸嘅最南點，亦係亞洲最接近赤道嘅地方。
計劃到新加坡旅遊？
透過這個平台，了解這個充滿無限可能的旅遊熱點。我們將在此分享新加坡各個具有深度、引起共鳴的故事、提供最新奇有趣的資訊，讓您更貼近獅城，獲得與眾不同的啟發與體驗。
想了解您所熱愛的一切如何能在獅城成真，歡迎您到訪網頁 www.VisitSingapore.com。
圖片與資料來源 : VisitSingapore
更多優惠資訊 :
☞ Gift Idea優惠網 : http://www.giftideahk.com
☞ 追蹤Facebook專頁 : https://www.facebook.com/GiftIdeahk/
☞ 訂閱Youtube頻道 : https://www.youtube.com/channel/UCyZ36c-hyjwL0jyuJDjGIEw
☞ 合作查詢 : info@giftideahk.com